Францын шигшээ болон Ювентус багийн хагас хамгаалагч Пол Погбатай холбоотой томоохон сенсаци дэгдлээ. Тодруулбал, Погбагийн төрсөн ах Матиас гэмт бүлэглэлтэй хамтран дүүгээсээ 13 сая евро шаардаж, дарамталсан гэнэ.

Матиас дүүгийнхээ талаарх ноцтой мэдээллүүдийг хэвлэл мэдээллээр цацна гэж сүрдүүлжээ. Тэрбээр твиттер хуудсанд нийтэлсэн бичлэгтээ “Франц, Англи, Итали, Испанийн олон нийт, өөрөөр хэлбэл дэлхий даяарх миний дүүгийн хөгжөөн дэмжигчид, тэр ч байтугай Францын шигшээ, Ювентус баг, миний дүүгийн багийн нөхөд, түүний ивээн тэтгэгчид тодорхой зүйлийг мэдэх ёстой. Би та нарт түүний тухай маш чухал зүйлийг хэлэх болно. Мөн миний үгсийг батлах нотлох баримт бий” гэв. Түүний хэлснээр Погба лалын шашинтай шулам хөлслөн Мбаппег хараасан" гэжээ.

Харин Погбагийн мэдэгдсэнээр, түүний багын найзууд болон төрсөн ах Матиас Погба түүнээс мөнгө авахын тулд элдвийн яриа зохиож байгаа гэв. Одоогоор Итали, Францын мөрдөгчид дээрх хэрэг дээр хамтран ажиллаж буй юм байна. “France Info”-ийн мэдээлснээр, гэмт бүлэглэлийн зэвсэглэсэн, багтай хоёр гишүүн Погбагаас 13 сая евро нэхэмжилжээ. Хамгийн хачирхалтай нь Погбагийн ах Матиас тус бүлгэмийн гишүүн байсан юм.